Rusiyanın öz silahlarını ixrac etmək planları Ukraynaya qarşı müharibədə rus ordusunun itkiləri ilə birlikdə məhv edilir.
Xeberle.com xəbər verir ki, bu barədə "Foreign Policy" nəşri yazısında dərc edib.
Pentaqonun və ABŞ kəşfiyyatının nümayəndələrinin bəyan etdiyi kimi, Rusiya Federasiyasının Ukraynaya genişmiqyaslı müdaxiləsi səbəbindən Kremlin Afrikaya planlaşdırdığı iri silah satışının zərər görəcəyi gözlənilir. Bu, Kremli ciddi gəlir mənbəyindən məhrum edir.Rusiyanın Ukraynada yüzlərlə tank və helikopter də daxil olmaqla yüksək texnologiyalı avadanlıqlarının ciddi itkiləri Kremlin Afrikaya silah tədarükünün əhəmiyyətli dərəcədə yavaşlamasına səbəb olacaq.
Bu da öz növbəsində Rusiyanın Çin və ABŞ kimi rəqiblərinin Afrika bazarında dominantlığının başlamasına səbəb ola bilər.
Stokholm Beynəlxalq Dünya Problemlərinin Tədqiqi İnstitutunun hesablamalarına görə, Afrikaya əsas silah ixracının demək olar ki, yarısı Rusiyanın payına düşür, əsasən də Əlcəzair, Misir, Sudan və Anqolaya silah verilir.
Xatırladaq ki, dünya silah satışının təxminən beşdə biri Rusiyanın payına düşür. O, üsyanla mübarizə əməliyyatları üçün afrikalı müştərilərə Mi-17 və Mi-35 kimi helikopterlərin tədarükünün uzun tarixinə malikdir. Ekspertlər bildirirlər ki, Afrika ölkələrinin rəsmiləri Ukraynada fəal şəkildə istifadə olunan sovet dövründən qalma sistemlər üçün ehtiyat hissələri əldə etməkdən getdikcə daha çox narahat olurlar.
Xəbərdən istifadə edərkən istinad etmək vacibdir.
