Finlandiyada yol polisinin kəsdiyi cərimə absolyut dünya rekordu sayıla bilər.
Yoldakı sürət limitini 14 km/saat keçən, yol nişanının maksimal sürəti 50 km/saat göstərdiyi yerdə 64 km/saat sürətlə hərəkət edən sürücünü saxlayan polis onu cərimələyib.
Cərimənin məbləği isə nə az, nə çox - düz 54 min avro olub.
İş adamı Reyma Kuisla cərimə kağızını görəndə şoka düşüb və məhkəməyə üz tutub.
Amma məhkəmə polisi haqlı sayıb və asayiş keşikçilərinin qanun çərçivəsində davrandıqlarını bildirib.
Çünki Finlandiyanın mövcud qanunvericiliyinə görə, yol-hərəkət qaydalarını pozanlara tətbiq edilən cərimələr onların illik gəlirlərinin səviyyəsinə uyğun nizamlanır.
Reyma Kuislanın da illik gəliri 6,8 milyon avro olduğundan, ona kəsilən cərimə çox böyükdür. (milli.az)
Xəbərdən istifadə edərkən istinad etmək vacibdir.
