Şərqi Avropada "omikron”un alt növü olan koronavirusun yeni BA.5 variantı sürətlə yayılır.
Xeberle.com xəbər verir ki, bu barədə Ümumdünya Səhiyyə Təşkilatının (ÜST) Avropa Bürosunun bəyanatında deyilir.
Qeyd olunub ki, Avropa bölgəsində infeksiyadan yoluxma və ölüm hallarında azalma müşahidə olunmağa başlayır, lakin "omikron”un alt növü olan koronavirusun yeni BA.5 variantı səbəbindən COVID-19-un çox sürətlə ötürülmə səviyyəsi qalmaqdadır və bu, ümumi narahatlığa səbəb olur.
Söhbət əsasən Şərqi Avropa, Balkanlar, Cənubi Qafqaz və Mərkəzi Asiya ölkələrindən gedir. Eyni zamanda, Qərbi Avropada koronavirus infeksiyasının yayılmasında davamlı azalma qeydə alınır.
Xəbərdən istifadə edərkən istinad etmək vacibdir.
