Bu ilin noyabr ayından Serbiya Avropa İttifaqının Rusiya Federasiyasına qarşı sanksiyaları səbəbindən Rusiya neftini idxal etməyəcək.
Xeberle.com xəbər verir ki, bu barədə ölkə prezidenti Aleksandr Vuçiç məlumat verib.
Qeyd olunur ki, Vuçiç serb xalqına müraciətində Belqradda "Europride"nin mümkün ləğvi mövzusuna toxunaraq bildirib ki, cəmiyyət ciddi məsələlər əvəzinə "cəfəngiyyat”ın müzakirəsinə kifayət qədər diqqət yetirir.
"Biz sadəcə olaraq hər cür cəfəngiyyatı müzakirə edirik ki, elektrik enerjisi ilə nə edəcəyik, neftlə nə edəcəyik deyə danışmayaq, çünki noyabrdan sonra sanksiyalara görə bizim üçün Rusiya nefti olmayacaq. Biz qazdan, mazutdan, kömürdən danışmaq əvəzinə, müxtəlif cəfəngiyyatlardan danışırıq, çünki bu, ən asandır”, - Vuçiç bildirib.
Xəbərdən istifadə edərkən istinad etmək vacibdir.
