İspaniyanın Madrid Universitetinin bir qrup alimi "Clinical Kidney Journal” tibb jurnalında dərc olunan məqalədə Brüs Linin ölümü ilə bağlı məlum faktları nəzərdən keçirilib.
Araşdırmalar nəticəsində Brus Linin ölümünə səbəb olaraq suyu göstəriblər.
"İctimaiyyət üçün açıq olan məlumatların təhlilinə əsasən, ölümün səbəbinin hiponatremi səbəbiylə beyin ödemi olduğunu düşünürük. Başqa sözlə desək, Brüs Linin böyrəyi artıq suyu xaric edə bilməyib və aktyorun ölümünə səbəb olub”- məlumatda qeyd edilib.
Hiponatremi artıq maye, natrium çatışmazlığı və ya ifrazdan çox su qəbulu kimi müəyyən edilir.
Tədqiqatın müəllifləri Linin hiponatremi üçün bir çox risk faktoruna malik ola biləcəyinə inandıqlarını bildiriblər.
Məlumata görə, aktyorun həyat yoldaşı və həkimləri tərəfindən Linin bərk qidalardan imtina etdiyi və yalnız kök və alma suyu ilə sağ qalması ilə bağlı iddialar da var. Aktyorun əzələlərini daha yaxşı göstərmək üçün bədənindən natrium çıxarmaq məqsədilə sidikqovuculardan istifadə etdiyi, son illərdə gündə 10-20 şüşə sake (Yapon düyü və taxıl tozundan hazırlanmış spirtli içki) içməyə başladığı da iddia edilib.
Qeyd edək ki, Brüs Li 20 iyul 1973-cü ildə 32 yaşında Honq Konqda vəfat edib. Əsl ölüm səbəbi uzun müddətdir müzakirə mövzusu olan Brüs Linin bəzi pərəstişkarları onun öldürüldüyünü ehtimal edirlər.
Xəbərdən istifadə edərkən istinad etmək vacibdir.
