Ermənistandakı Cənub Hərbi Dairəsinin hərbi bazasının aviasiyası təlim uçuşları keçiriblər.
Xeberle.com xəbər verir ki, bu barədə Cənub Hərbi Dairəsinin mətbuat xidməti məlumat yayıb. Qeyd edilir ki, təlimlərdə MiQ-29 çoxməqsədli qırıcıları iştirak ediblər. Uçuşlar zamanı bir sıra təlim tapşırıqları işlənib hazırlanıb.
"Pilotlara döyüş növbələri, müxtəlif çətin uçuş elementləri və s. işləyib hazırlamaq tapşırılıb", - məlumatda deyilir.
Cənub Hərbi Dairəsinin əməliyyat-taktiki aviasiyasının ekipajları gündüz uçuşları ilə yanaşı, həm də gecə müxtəlif hündürlüklərdə, yüksək dağlıq ərazilərdə cüt şəkildə və bölmələr şəklində uçuşlar həyata keçiriblər.
Təlim uçuşlarına Rusiyanın Ermənistandakı hərbi bazasının-Cənub Hərbi Dairəsinin 100-dən çox hərbçisi, o cümlədən xüsusi texnikalar cəlb edilib.
Xəbərdən istifadə edərkən istinad etmək vacibdir.
