Bu ilin aprelın 9-dan iyunun 19-na qədər  kimi Amerika Birləşmiş Ştatlarının (ABŞ) Sülh Korpusunun könüllüləri Azərbaycanda olacaqlar.  Həmin müddət ərzində onların Sumqayıt ərazisində yaşayan Azərbaycan ailələrində yerləşdirilməsi nəzərdə tutulur. Əsas məqsəd onların Azərbaycan dili, mədəniyyəti, adət və ənənələrini öyrənməkdir. Könüllünü qəbul edən ailəyə hər ay 195 AZN məbləğində vəsait ödəniləcək. Bu məbləğə könüllünün yemək xərcləri daxildir.

Qeyd edək ki, Amerikanın Sülh Korpusu təşkilatı 1961-ci ildən fəaliyyət göstərir. Sülh Korpusu Amerika Könüllülərini dünyanın bir çox ölkələrinə icmalarda yaşamaq və işləmək, inkişaf layihələri sahəsində texniki yardım göstərmək, yerli dildə danışmaqla digərlərinə Amerika və Amerika mədəniyyəti haqqında öyrətmək, o cümlədən Azərbaycanın mədəniyyətini öyrənmək üçün göndərir.

Amerika könüllüsünü yerləşdirmək arzusunda olan ailələrin bizə müraciət etmələrini xahiş edirik.

      Əlaqəli şəxs: Rauf Məmmədov    (050) 250 49 83