"Facebook" paylaşılan musiqinin 30 saniyəsini dinləmək imkanı verən yeni funksiyasının tətbiqini elan edib.

"BBC Azərbaycan"ın xəbərinə görə, "Music Stories" kimi tanınan bu funksiya "musiqi axtarışı və paylaşımını asanlaşdırmaq" məqsədi daşıyır.

30 saniyəlik dinləmə Spotify və Apple Music-dən yayımlanacaq və həvəskarlar xoşladıqları musiqini pulla ala və ya saxlaya biləcəklər. Bu o deməkdir ki, "Facebook" istifadəçiləri mobil tətbiqi tərk etmədən musiqi dinləyə və paylaşa biləcəklər. Hazırda texnologiya dünyasında musiqi paylaşımı ilə video görüntülər mübarizə aparır.

Avqustda "Vine" video şəbəkəsi elan edib ki, videolarda hansı mahnının ifa edildiyini bilmək üçün "Shazam"-dan istifadə edəcək. Lakin sosial media şəbəkəsinə musiqi əlavə edilməsi hələ yaxşı pul gətirməyib.

"İnstagram" aprel ayında @music funksiyasını təqdim etsə də, kütləvi izləmə əldə etməyib. "İnstagram"ın direktoru Kevin Systrom Newsbeat proqramına deyib ki, "bu yalnız zaman məsələsidir, çünki musiqi dominant olacaq".

"Twitter"in də musiqi paylaşımı sahəsində təcrübəsi uzun sürməyib.(Lent.az)