İlhamə Hüseynova - o, Sumqayıt Dövlət Universitetinin doktorantıdır. Arzusu hazırladığı ixtiranı dünyaya çatdırmaqdır. Söhbət alkinfenolların halogenləşməsindən gedir. II Azərbaycan Elm Festivalının iştirakçısı deyir ki, ixtirası baş tutarsa ondan sənayedə geniş istifadə oluna bilər. Gənc alimin təqdim etdiyi digər ixtira isə çoxlarının marağına səbəb oldu. Mənzillərin təmirində istifadə olunan lak ziyarətçilərin diqqətini özünə çəkməyi bacardı. İlhamə Hüseynovanın bacarıqları bununla bitmir. O, hazırda məişətdə geniş istifadə olunan sabunun istehsalına başladıqlarını da deyir. Bu ixtira isə özü haqqında nəinki, Azərbaycanda, hətta okeanın o tayında belə söz sala bilib. ABŞ-da sertifikata layiq görülən bu qurğu sunami hadisəsinin əsas səbəblərini araşdırmağa qadirdir. Sumqayıtada təşkil olunan festivalda ölkəmizdə fəaliyyət göstərən digər ali təhsil ocaqlarının müəllim və tələbələrinin ixtiraları da nümayiş etdirilib. Noyabrın 5-dək davam edəcək festival paytaxt Bakı və Sumqayıt ilə yanaşı, Naxçıvan, Şəki və Gəncə şəhərlərini də əhatə edir. Tədbirdə son illər ölkə alimlərin əldə etdiyi elmi nailiyyətlər, innovativ yeniliklər nümayiş olunur.

RAMİL ZEYNALLI