«Gənclərin Tərəqqisinə Dəstək» İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənclər arasında Bioetika ilə bağlı maarifləndirmə tədbirləri” layihəsinin icrasını uğurla davam etdirir. 2013-cü ilin oktyabr ayından icrası başlamış layihə 2014-cü ilin feval ayına qədər davam edəcək.

 Layihənin məqsədi Azərbaycanda həyatın ən müxtəlif istiqamətləri üzrə gerçəkləşdirilən islahatlara dəstək verməkdir.

Qeyd edilən layihə çərçivəsində Azərbaycan Milli Elmlər Akademiyasının İnsan hüquqları İnstitutu ilə sıx əməkdaşlıq olunacaqdır. Belə ki, İnstitutda Hüquq, İsnan Hüquqları və Bioetika sahəsi böyük bir yeni elm sahəsi kimi öyrənilir və demək olar ki İnstitut bu sahədə vahid elmi resurslu qurum hesab etmək olar. Qeyd etmək lazımdır ki, AMEA - nın İnsan Hüquqları Elmi Tədqiqat İnstitunda YUNESKO-nun Bioetika Kafedrasının Azərbaycan bürosu da fəaliyyət göstərir. Bu səhə eyni zamanda YUNESKO-nun da böyük dəstəyi altındadır. Bundan əlavə, bioetika üzrə doktorantura və dissertantura bölmələri fəaliyyət göstərir. Bu layihənin icrası isə əhalinin gənclər təbəqəsində bioetika sahəsində maariflənməsi məqsədilə həyata keçirilir. Gənclərin Tərəqqisinə Dəstək İctimai Birliyi tərəfindən həyata keçirləcək layihə çərçivəsində gənclərə Bioetika ilə bağlı təlimlər keçiriləcək, ixtisaslaşmış Bioetika.az internet portalı yaradılacaq, Bioetika ilə bağlı 2 kitab -“Bioetika baza tədris proqramı” və “Genetik modifikasiya olunmuş qida məhsulları” kitabları çap olunacaq. Bu sahələrlə bağlı da AMEA İnsan Hüquqları Elmi Tədqiqat İnstitutu ilə sıx elmi əməkdaşlıq ediləcəkdir.