"Belə tədbirlərin keçirilməsi gənclər üçün olduqca faydalıdır”.
Bu sözləri
Microsoft şirkətinin eksperti Qaçay Mirzəyev Qərbi Kaspi Universitetinin təşkilatçılığı
ilə keçirilən "Makers’ Day 2018” tədbirini şərh edərkən deyib.
Ekspert bildirib ki, bu cür tədbirlər gənclərə yerli
və beynəlxalq şirkətlərin təcrübəsi ilə tanış olmağa imkan yaradır: "Bu gün də
belə oldu. Çox faydalı, maraqlı çıxışlar oldu, təqdimatlar edildi. İnanırıq ki,
bu tədbirdən sonra gənclərin yeni ideyaları formalaşacaq. Nəticədə, İT üzrə,
yeni texnologiyalar sahəsində yeni startupların şahidi olacağıq”.
Məlumat üçün bildirək ki, ötən həftə sonu Qərbi
Kaspi Universitetində mühəndislik sahəsi üzrə ilin ən böyük, yaddaqalan tədbirlərindən
biri - "Makers’ Day 2018” tədbiri
keçirilib.
500-ə
yaxın gəncin qatıldığı tədbir iştirakçılar üçün təcrübə qazanmaq, eyni zamanda
yeni əlaqələr yaratmaq və məşğulluğun daha məqsədyönlü təmin olunmasının dəstəklənməsi
baxımından əhəmiyyətli olub. Tədbirdə tanınmış şirkətlərin menecerləri, mühəndisləri
ilə yanaşı öz şirkətini qurmuş və uğurla inkişaf etdirən şirkət rəhbərləri də
iştirak ediblər.
Tədbirdə "BP Azərbaycan”, "Microsoft Azərbaycan”, "PashaBank”, "Business Ring”,
"Baku Business School” kimi şirkətlərin nümayəndələrinin çıxışları olub.
Məktəblilərlə yanaşı Qərbi Kaspi Universitetinin, Bakı Ali Neft Məktəbi, Azərbaycan
Respublikası Prezidenti yanında Dövlət İdarəçilik Akademiyasının, Bakı Mühəndislik
Universitetinin, Gəncə Dövlət Universitetinin, Bakı Dövlət Universitetinin, Azərbaycan
Texniki Universitetinin, Azərbaycan Memarlıq və İnşaat Universitetinin, Azərbaycan
Dövlət Neft və Sənaye Universitetinin tələbələri dinləyici qismində tədbirdə
iştirak ediblər.
Xəbərdən istifadə edərkən istinad etmək vacibdir.
