Sumqayıtın Nəsimi adına Mədəniyyət və İstirahət parkında Respublika Qızıl Aypara Cəmiyyətinin "Şərq İqlim Forumu" çərçivəsində Sumqayıt şəhər bölməsi "Təmiz çevrə" adı altında ekoloji aksiya keçirib. Bölmədən Xeberle.com-averilən məlumata görə, ətraf mühitin təmizlənməsi məqsədiylə keçirilən aksiyanı Qızıl Aypara Cəmiyyətinin Sumqayıt şəhər bölməsinin sədri Mətanət Məhərrəmova giriş sözü ilə açaraq ekoloji aksiyanın əhəmiyyətindən danışıb. M. Məhərrəmova aksiyanın məqsədinin Sumqayıt şəhər bölməsi könüllülərinin, yerli KİV-nin nümayəndələrinin iştirakıyla əvvəlcədən müəyyən olunmuş ərazilərin tullantılardan təmizləmək olduğunu və bununla yerli ictimaiyyətə müəyyən mesajlar vermək olduğunu diqqətə çatdırıb.

Tədbirdə Respublika Qızıl Aypara Cəmiyyətinin vitse-prezidenti Qafar Əsgərzadə, icracı katib Bayram Vəliyev, "Şərq İqlim Forumu”nun koordinatoru Ceyhun Mirzəyev, Sumqayıt şəhər İcra Hakimiyyətinin məsul işçiləri, "Azərikimya” İB-nin əməkdaşları  və digər qonaqlar iştirak ediblər.

Aksiyada əvvəlcədən təmizlik nəzərdə tutulan ərazidə QAC Sumqayıt şəhər bölməsinin əməkdaşları və könüllüləri, Sumqayıt Dövlət Universiteti, Etilen-Politilen zavodu, Təmir-Tikinti İdarəsi və Təmizlik Departamentinin işçilərinin iştirakıyla həyata keçirilib.

Sonra tədbir iştirakçıları Ekoloji Tərbiyə və Təcrübəçilik Mərkəzinin "Tullantıdan İncəsənətə” mövzusunda kecirdiyi əl işləri sərgisi ilə tanış olublar.

Günün mövzusu barədə müzakirələr aparılıb və aksiyada fərqlənən iştirakçılar Respublika Qızıl Aypara Cəmiyyətin tərəfindən Təşəkkürnamələrlə təltif olunublar.

Xeberle.com