Fövqəladə Hallar Nazirliyi (FHN) Sumqayıt Regional Mərkəzi və Sumqayıt Regional Dövlət Yanğın Nəzarəti İdarəsi Sumqayıt şəhərində mənzillərə baxış keçirib.

Baxış xüsusilə tez-tez yanğın baş verən ərazilərdə aparılıb. Əsasən, mənzillərdə vanna otaqlarında istifadə edilən su qızdırıcılarının və tüstü bacalarının vəziyyətinə diqqət yetirilib. Sakinlərə tövsiyyə olunub ki, tüstü bacalarını vaxtlı-vaxtında təmzlənməsinə nəzarət etsinlər. Vanna otaqlarında nəfəsliyin olması vacibliyi də vurğulanıb. Son zamanlar xüsusilə,qış aylarında dəm qazından boğulma hallarına tez-tez rast gəlinir.Bu cür hallar üzündən baş verən faciəli hadisələrin qarşısının alınması üçün sakinlərə dəm qazında düzgün istifadə qaydaları haqqında təlimatlar da verilib.

Bədbəxt hadisələrin qarşısının alınması üçün Sumqayıt Regional Mərkəzi və Dövlət Yanğın Nəzarəti İdarəsi Sumqayıt şəhərində mənzillərə baxışı şəhərin hər yerində aparmağı planlaşdırır.

Aytən, xeberle.com