"Azərbaycanda sığorta sahəsinə aid ayrı-ayrı qanunlar qəbul etməkdənsə, vahid bir məcəllə qəbul etmək daha məqsədəuyğun olardı.”

Sumqayıtdan seçilmiş millət vəkili Leyla Abdullayeva bildirib ki, 3 il öncə "İcbari sığorta” haqqında yeni qanun qəbul edilib, Mülki Məcəllə ilə də bəzi məsələlər tənzimlənir. Lakin son vaxtlar Milli Məclisdə mövcud olan praktikanı nəzərə alaraq bu sahədə də vahid məcəllə qəbul etmək olar:

"Təəssüf ki, sığorta bizdə populyar deyil. Halbuki sığorta təbii fəlakətlərdən, fors-major hallardan insanları qaranta alır. Türkiyədə artıq məcburi zəlzələ sığortası var. Heç bir dövlət belə təbii fəlakətlərdən sığortalanmayıb. Elə Azərbaycanda şimal-qərb bölgəsində zəlzələdən, Kür çayının daşqınından xeyli insan əziyyət çəkdi. İnsanlar öz gələcəklərini düşünərək bilməlidirlər ki, sığorta institutunun yeri böyükdür. Stimullaşdırma təbirləri görülməlidir ki, sığorta institutları cəld və effektiv işləsin. Bəzi sığorta şirkətləri hadisə baş versə də, ödənişi aparmır. Bu da insanlarda inamı azaldır. Vahid Sığorta Məcəlləsi qəbul edilsə, bu məsələlər də nəzərə alınmalıdır.” (gun.az)

Xeberle.com