6 səyahətçi bir illik "Mars"da yaşamağa gedib.
1 ildən sonra insanların Marsda yaşaması mümkün ola bilər.

Artıq 6 səyahətçi seçilib və bu məqsədlə bir sıra tədbirlərə start verilib.

Havay adalarında püskürmüş vulkan ərazisində Mars şəraitinə uyğun sınağa başlanılıb. Altı insan: fransız astrobioloqu, alman fiziki və dörd amerikalı — pilot, memar, doktor və torpaqşünas könüllü olaraq, Yerdən özlərini təcrid ediblər. 12 ay ərzində həmin 6 nəfər Mauna-Loa dağının şimalında yerləşən diametri 11, hündürlüyü 6 metr olan günbəzdə qalacaqlar.


"Mars"-a gedən 6 iştirakçı
Sınağa gedən hər bir iştirakçıya ayrı-ayrılıqda rahat otaqlar da verilib. Bu 365 gün ərzində onlar orada yalnız pendir və konservləşdirilmiş tuna balığı yeyə bilərlər. Eyni zamanda, onlara məhdudlaşdırılmış da olsa, internetdən istifadə imkanları da yaradılacaq.
Günbəzdən kənara səyahətçilər yalnız skafandrla çıxa bilərlər. Mauna-Loa dağının ətrafında nə bitki, nə də heyvan yoxdur.
Sınağın iştirakçılardan biri olan Şeyna Qifford öz şəxsi səhifəsində komandanı belə təsvir edib: "biz, altı insan dünyamızı dəyişdirmək istəyirik deyə öz iradəmizlə Yeri tərk etmişik".


"Mars"-da qurulan günbəz
Memar Tristan Bessinqveyt deyib ki, o, Yerdə və başqa planetlərdə yaşamaq üçün lazım olan bütün arxitektura metodlarını öyrənəcək.
"Mars" missiyasının əsas məqsədi, insanların uzun müddət vərdiş olunan ərzaqla və hava ilə bu sahədə yaşaya bilmək bacarığını araşdırmaqdır.(anspress)