"Kurtlar Vadisi Pusu"nun sabah yayımlanacaq seriyasının treyleri hər kəsi qorxuya salıb.
Axşam.az-ın Türkiyə mətbuatına istinadən məlumatına görə, serialda "Gölge" obrazını canlandıran və PKK ilə işbirliyi quran adam metrolara göndərdiyi canlı bombalarla terror törətmək istəyəcək. Bu hücumların qarşısını almaq isə Polad Alemdar və komandasının vəzifəsi olacaq.
Treylerin bir yerində canlı bombaları uzaqdan partladan "Gölge"nin "Ulusal egemenligin kutlu olsun, ey Türk halkı" (Milli suverenliyin mübarək olsun, türk xalqı)sözləri birmənalı qarşılanmayıb.
Belə ki,hər il aprelin 23-də Türkiyədə "Ulusal Egemenlik və Çocuk bayramı" ("Milli Suverenlik və Uşaq günü")keçirilir. Bu ifadənin həmin gün baş tutacaq bir terror hücumuna işarə olduğu iddia edilir.
Xəbərdən istifadə edərkən istinad etmək vacibdir.
