Dəniz mövsümü artıq başlayıb. Sumqayıtlıların adətən çimərlik istirahəti üçün Novxanı sahillərinə getdiyini nəzərə alaraq bu ərazilərdəki qiymətlərlə maraqlandıq. Ödənişli çimərliklərə də rast gəldik, digərlərinə də.
Xeberle.com bəzi çimərliklərin qiymətini təqdim edir:
Dalga Beach Novxanı. Giriş azərbaycan vətəndaşları üçün günortaya qədər 1 nəfər üçün 20 manat, günortadan sonra isə 25 manatdır. 5 yaşa qədər uşaqlar üçün ödənişsiz, 6-11 yaşlar arası isə 15 manatdır. Qiymətə dəsmal, hovuz, duşdan, attraksionlardan istifadə, şezlonq da daxildir.
Gəmi Novxanı. Giriş ödənişsizdir. Şezlonqdan istifadə 5 manatdır. Oturmaq üçün masalar ödənişsizdir. Özünlə qida gətirməyə icazə var.
Liman. Sahildəki besedkalardan istifadə üçün menyu üzrə minumum 20 manatlıq sifariş etməlisiniz.
Euphoria Novxanı- Besedkalardan istifadə adam sayından asılı olmayaraq 50 manat təşkil edir. Qiymətə şezlonq və sahildə istirahət daxildir.
Su Səsi Novxanı. Besedkalardan istifadə adam sayından asılı olmayaraq 15 manatdır. Şezlonq üçün 1 nəfərə əlavə 5 manat ödənilməlidir. Özünüzlə yemək apara bilərsiniz.
Xədicə Səxavətqızı
Xəbərdən istifadə edərkən istinad etmək vacibdir.
