Sumqayıt şəhərinin 49-cu məhəlləsində yol infraastrukturunun bərbad olması ilə bağlı məlumat vermişdik. Xeberle.com-a müraciət edən Arzuman Şirinov deyir ki, ərazidə yeddi aydır su borusu partlayıb. Nəticədə axan su yolda ham palçıq, həm də çala-çuxur yaradıb. Arzuman Şirinov öz vəsaiti hesabına iki kamaz asfalt qırıntısı gətirərək yola töküb.
Aidiyyəti üzrə müraciətlər edilməsinə baxmayaraq, şəhərin yol problem həllini tapmayıb.
Məsələ ilə bağlı Sumqayıt şəhər icra hakimiyyətindən bildirilib ki, sözügedən məhəllədə ağır yüklü maşınların ərazidən keçəməsi səbəbindən xətlərdə tez-tez sıradan çıxma halları baş verir:
"Məlumat üçün bildirək ki, qeyd olunan məhəllədə mərkəzləşmiş su şəbəkəsi yoxdur. Ağır yüklü maşınlar ərazidən keçən zaman xətlərdə tez-tez sıradan çıxma halları baş verir. Bir neçə gün öncə həmin ərazidə su xətti təmir olunub. Asfaltlanma işləri isə mərhələli şəkildə həyata keçirilir. Həmin ərazidə də gələcəkdə asfaltlanma işlərinin aparılması nəzərdə tutulub”.
Elşən Yəhyayev
Xəbərdən istifadə edərkən istinad etmək vacibdir.
