Sumqayıtda sakinlər yaşadıqları ərazidə aptek olmadığına görə çətinlik çəkirlər. Söhbət Yeni Kottec yaşayış massivindən gedir.
Xeberle.com-a müraciət edən Yeni Kottec sakinləri bildirir ki, dərman ehtiyaclarını qarşılamaq üçün "Dejurnıy” (keçmiş Növbətçi mağazası) istiqamətinə üz tutmalı olurlar.
Artıq illərdir ki, bu vəziyyət davam edir. Ərazidə yaşayan sakinlərin sözlərinə görə, gündüz saatlarında aptekə getmək üçün marşrut avtobusdan, gecə saatlarında isə məcbur qalıb taksidən istifadə edirlər.                                                                  
Mövzunu davam etdirəcəyik.

Elşən Yəhyayev