Azərbaycanda keçiriləcək I Avropa oyunlarının böyükdən tutmuş kiçiyə kimi hamı səbirsizliklə gözləyir. Nəzərə alsaq ki, "Bakı 2015" I Avropa oyunları öz evimizdə keçiriləcək, bu bizi daha böyük nailiyyətlər qazanmağa, uğura doğru addımlamağa həvəsləndirir.  12-28 iyunda  keçiriləcək və 17 gün davam edəcək  yarışda ölkəmiz  291 idmançı ilə təmsil olunacaq. Komandamızın tərkibinə 150 rəsmi də daxil olacaq. Bunlar məşqçilər korpusu və digər rəsmi şəxslərdir.

Bu oyunlarda 49 ölkədən 20 idman növü üzrə 6000-dən çox idmançı iştirak edəcək. Hamımızı düşündürən bir sual var. Görəsən Azərbaycan idmançıları millətimiz neçə qızıl medalla sevindirəcək? İnsanların bu haqda fikirlərinin öyrənmək məqsədi ilə Sumqayıt TV şəhər sakinləri arasında sorğu keçirib.