"1973-cü il təvəlldülü bir gənc xanım təşkilatımıza yardım üçün müraciət edib. Öz dərdini və bədənində olan işgəncəyə yerlərini mənə göstərdikdə onunla birgə ağladım. Vaxtında ailə qura bilməyib və evdəkilərə yük olub. Buna baxmayaraq özünü təmin etmək üçün restoranlarda qab yuyur. Saat 6-dan səhər saat 4-ə kimi işləyərək 8 manat məvacib alır. Burada insan əməyinin istismarı, heç bir əmək müqaviləsinin bağlanmaması kimi qanun pozuntularına rast gəlinir."

Bu sözləri Xeberle.com-a açıqlamasında "Qadın Təşəbbüsü və Sosial Problemlərin Həllinə Yardım” İctimai birliyinin sədri Zenfira Mustafayeva deyib. Z. Mustafayeva qeyd edib ki, gənc xanım qardaşı və atası tərəfindən daim işgənclərə məruz qalır. Bu xanım artıq hara müraciət edəcəyini bilmir və özünü lazımsız insan hesab edir insan hesab edir: "Doğmaları tərəfindən incidilən bu xanım özünə necə dəfə qəsd etməyə çalışıb. Lakin sonda atasının taleyi onu bu yoldan çəkindirib. Nə vaxta kimi maddi durum, sosial vəziyyət insani keyfiyyətlərimizdən üstün olacaq. Bu xanım potensial insan alveri qurbanı hesab etmək olar."

Xeberle.com