Bildiyiniz kimi, ötən həftə Sumqayıt şəhər İcra hakimiyyətinin başçısı dəyişdirildi. Əvvəllər Sumqayıtda bir sıra vəzifələrdə çalışmış və sonuncu dəfə Abşeron rayonuna rəhbərlik etmiş Zakir Fərəcov Sumqayıtın icra başçısı təyin olindu. Hər bir icra başçısı öz komandası ilə işləməyə daha çox üstünlük verir.

Z. Fərəcovun da Sumqayıtda bir sıra idarə və müəssisə rəhbərlərini dəyişdirəcəyi gözlənilir. Artıq ilk istefa xəbəri gəlməkdədir. Özü də Sumqayıt şəhər İcra Hakimiyyətinin Aparatından.
Belə ki, Ərazi idarəetmə və yerli özünüidarəetmə orqanları ilə iş şöbəsinin müdiri Coşqun Cəbrayılovun öz ərizəsi ilə işdən çıxarıldığı bildirilir.
Qeyd edək ki, C. Cəbrayılov Sumqayıtın keçmiş icra başçısı Eldar Əzizova ilə yaxınlığı ilə seçilir. Bir müddət isə E. Əzizovun köməkçisi kimi də çalışıb. C. Cəbrayılov fəaliyyətin Səbail rayonuna icra başçısı təyin olunan  Eldar Əzizovun komandasında yenidən davam etdirəcək.
Xeberle.com