Bir şey haqqında çox yazanda insanın sözləri tükənir. Bu dəfə xüsusən çətinlik çəkirik çəkdiyimiz fotolar haqqında şərh verməyə, çünki təkrarçılığa yol vermək özümüzə də xoş deyil. Şəkillər zatən hər şeyi deyir. Doğrudan da, Sumqayıtda yağışdan sonra məhəllədaxili yollar haqqında nə qədər yazmaq olar, nə qədər məmurları da, oxucularımızı da bezdirmək, onlara neqativlər bəxş etmək olar?! Bu dəfə məsələyə optimist kimi yanaşaraq yalnız pozitivləri görməyə çalışacağıq və yeni bir təklif edəcəyik.

Sumqayıt sakinləri və şəhərin qonaqları üçün gözəl imkanlar var. Sizləri Sumqayıtda yeni çağlayan, aşıb-daşan çayda qayıq gəzintisinə dəvət edirik! Saatı 10 manata.
Ünvan: Sumqayıt şəhər 11-ci mikrorayon, məhəllədaxili yollar.

DİQQƏT: Bu çayda gəzinti məsələsinə ciddi yanaşın, çayı dayaz hesab etməyin. Odur ki, hər ehtimala qarşı özünüzlə xilasedici jilet da gətirməyi unutmayın.

QEYD: Bu çayın yaranmasında "xüsusi xidmətləri olan" aidiyyəti qurumların məmurlarına isə xüsusi 50 %-lik endirimli paket təklif edilir.

Elnur, Xeberle.com