Sumqayıt şəhər Qeydiyyat şöbəsinin rəisi, ədliyyə müşavir Həcər Heydərovanın verdiyi məlumata görə, 2015-ci ilin 11 ayı ərzində (01.01. 2015-01.11. 2015) Sumqayıt şəhərində 1302 uşaq doğulub, 962 insan vəfat edib. Statistik məlumatda nikahla boşanma rəqəmlərinin müqayisəsi düşündürücüdür. Belə ki, müvafiq dövrdə şəhərdə 474 nikah bağlanıb, boşanmaların sayı isə 469 olub.
Yaxın dövrlərdə mediada qızlara oğlan adlarının, oğlanlara isə qız adlarının qoyulması halları ilə bağlı gedən müzakirələri nəzərə alaraq H. Heydərova əməkdaşımızın müvafiq sualını cavablandırarkən bildirib ki, Sumqayıt şəhərində qız uşaqlarına "İslam”, "Yusif”, "Hüseyn”, "Məhəmməd”, "Əli”, oğlanlara isə "Zəhra”, "Fatimə” və sair kimi adların verilməsi halları hələlik mövcud deyil.(moderator.az)
Xəbərdən istifadə edərkən istinad etmək vacibdir.
