Sumqayıt Dövlət Dram Teatrı premyeraya hazırlaşır. Sumqayıt tamaşaçısına və şəhərimizin qonmaqlarına fransız yazıçısı Marsel Berkye-Marinyenin "Oğru" əsəri əsasında rejissor Rövşən Almuradlının eyniadlı tamaşası təqdim ediləcək. Tamaşa komediya janrındadır. Səhnə əsərinin süjetində bütün tarix boyu mütəfəkkirlər tərəfindən cavabı axtarılan əsl məhəbbətin qiyməti ön plana çəkilir, gərgin yaşanan dramatik hadisələrin fonunda sevgi və pul dilemması müzakirəyə qoyulur. Tamaşada əməkdar artist İzaməddin Bağırov, aktyorlardan Şəmistan Süleymanlı, Elmir Mehdiyev, Füzuli Qərənizadə, Vəfa Qurbanova, İlahə Səfərova rol alıblar.
Qeyd edək ki, çağdaş Azərbaycan teatrı və kinosunun görkəmli rejissorlarından biri olan Rövşən Almuradlı beş illik fasilədən sonra, yenidən teatr səhnəsinə qayıtmaqla bir ilkə imza atır. Bundan öncə Azərbaycan Dövlət Akademik Milli Dram Teatrında ünlü rejissorun quruluşunda alman drammaturqu Fridrix Dürremantın "Yaşlı xanımın gəlişi” tamaşası teatrsevərlərin ciddi marağına səbəb olmuşdu.
Xatırladaq ki,
"Oğru" tamaşasının premyerası dekabrın 20-si saat 18:00-da Sumqayıt Dövlət Dram Teatrında keçiriləcək.
Tamaşanın məşq prosesindən fotoları təqdim edirik:
Xeberle.com
Xəbərdən istifadə edərkən istinad etmək vacibdir.
