Hörmətli "Xeberle.com” saytının təsisçiləri və yaradıcı kollektivi, Sizi "Xeberle.com” saytının təsis olunmasının 5 illiyi münasibətilə səmimi-qəlbdən təbrik edirəm. 68 yaşlı Sumqayıtın özünəməxsus mətbuat ənənəsi də mövcuddur. Respublikamız müstəqillik əldə etdikdən sonra bütün sahələrdə olduğu kimi mətbuat sahəsində də yenidənqurma işlərinə start verilmiş, azad və demokratik mətbuatın yaranması üçün münbit şərait yaranmışdır. Bu inkişaf özünü təkcə Bakıda deyil, həmçinin bölgələrdə, o cümlədən Sumqayıt şəhərində də göstərməkdədir. Ötən dövr ərzində Sumqayıtda bir sıra müstəqil qəzet və jurnal, o cümlədən internet saytı təsis olunmuşdur ki, onlardan biri də bu gün 5 yaşını qeyd edən "Xeberle.com” saytıdır. Sayt təsis olunandan şəhərin ictimai, siyasi, sosial və mədəni həyatına dərindən nüfuz eləməyə çalışmış, özünün tutduğu düzgün, obyektiv və qərəzsiz mövqeyi ilə buna nail ola bilmişdir. Hazırda, bildiyim qədəri ilə, bu sayta oxucu marağı böyükdür, bu da təbii ki, saytın ən başlıca uğurudur. Qeyd edim ki, bu sayt "Azərkimya” İstehsalat Birliyinin həyata keçirdiyi yeni layihələrə və tədbirlərə də geniş yer ayırır. Bunun üçün də saytın yaradıcı kollektivinə kimyaçılar adından dərin minnətdarlığımı bildirirəm. "Xeberle.com” saytının təsis olunmasının 5 illiyi münasibətilə həm təsisçiləri, həm də yaradıcı kollektivi bir daha təbrik edir, gərgin, məsuliyyətli və səmərli işlərində müvəffəqiyyətlər, şəxsi həyatlarında möhkəm can sağlığı, uzun ömür, sevinc və səadət dolu illər və bol oxucu sevgisi arzulayıram.