Bu gün Sumqayıt şəhərində "Məktəbli” dəftərxana ləvazimatları mağazasının fəaliyyətə başlamasının 20 illiyi münasibəti ilə tədbir keçirilib. Tədbir çərçivəsində "Məktəbli” brendinin əsas filialının fəaliyyətinin genişləndirilməsi və yenidən təmirindən sonra da açılışı olub. Qeyd edək ki, şəhərin 2-ci mikrorayonunda yerləşən əsas filialın ərazisi genişləndirilib, eyni zamanda müştərilərə təklif olunan məhsulların çeşidi artırılıb.
Yubiley tədbirində və açılış mərasimində "Məktəbli” mağazalar şəbəkəsinin rəhbəri Akif Şahbazov, şəhər ziyalıları və ictimaiyyət nümayəndələri iştirak ediblər.
Bildirilib ki, "Məktəbli” artıq bir brend kimi formalaşıb və 20 ildir müştərilərə yüksək səviyyədə xidmət göstərir. A. Şahbazov qeyd edib ki, Sumqayıtda dəftərxana ləvazimatları satışı sahəsində ilk işlərə 1992-ci ildən start verilib. "Məktəbli” brendi altında isə şəhərdə ilk mağaza 1997-ci ildən fəaliyyətə başlayıb.
Vurğulanıb ki, ticarət obyekti yarandığı gündən bu günə qədər əksər sumqayıtlıların daim seçim etdiyi məkana çevrilib.
"Məktəbli” brendi yüksək keyfiyyətli məhsullar, münasib qiymət və yüksək xidmət təqdim etdiyi üçün şəhərdə bu sahədə fəaliyyət göstərən obyektlər arasında ilk yeri tutmağı bacarıb.
Qeyd olunub ki, bu nailiyyətlər tək Sumqayıt sakinləri deyil, dövlət orqanları, özəl təşkilatlar tərəfindən yüksək dəyərləndirilib.
Çıxışlarda o da bildirilib ki, ticarət obyekti fəaliyyət göstərdiyi müddət ərzində orden, medal və sertifikatlarla təltif olunub: "Buna misal olaraq göstərmək olar ki, "Məktəbli” brendi "Milli Biznes Reytinqi üzrə sahənin lideri”, Ticarət Sənaye reytinqi üzrə "İlin rəhbəri”, xidmət və nailiyyətlərə görə Medal şərəf ulduzu, "Azərbaycan iqtisadiyyatı” ordeni və onlarla xeyriyyə, təşkilatçılıq, sponsorluq sertifikatlarına layiq görülüb.”
Bu il isə "Məktəbli” brendinin 20 illik yubileyi qeyd olunur və "Meqa Məktəbli” supermarket sistemi çərçivəsində böyük mağaza da sumqayıtlıların ixtiyarına verilir: "Düşünürük ki, bu sistem bütün müştərilərin münasib qiymətlərlə məhsulların, münasib qiymətlərlə satışı, sahə üzrə bütün çeşidlərin mövcudluğu barədə sizə bütün imkanları tanıdacaq. Bu işlərdə dəstəyi olanlara və əməkdaş olduğumuz şirkətlərə - "Antaris qrup”, "İnci”, "Təhsil” nəşriyyatı, "Azəri” poliqrafiyasına, həmçinin yaxın dostlarımız Hümbət müəllim, Namiq müəllim, İlqar müəllim və Rövşən müəllimə sonsuz minnətdarlığımızı bildirirk. Maliyyə dəstəyinə görə isə "Access Bank” rəhbərliyinə minnətdarıq.”
Çıxış edənlər son zamanlar Sumqayıtda aparıcılıq-quruculuq işlərindən də söz açıblar və şəhərin günü-gündən inkişaf etdiyini qeyd ediblər.
Sonda "Meqa Məktəbli” dəftərxana ləvazimaları mağzasının açılış rəmzini bildirən qırmızı lent kəsilib və tədbir iştirakçıları yaradılan şərait və təklif olunan xidmətlərlə tanış olublar.
Xeberle.com
Xəbərdən istifadə edərkən istinad etmək vacibdir.
