"Vətəndaş Cəmiyyətinin İnkişafına Dəstək” Gənclərin İctimai Birliyi Prezident yanında Gənclər Fondunun maliyyə dəstəyi ilə Sumqayıt şəhərində "Sürəti azalt, ömrünü uzat!” veloyürüşünü keçirib.

AZADİNFORM  xəbər verir ki, 100-ə yaxın gəncin iştirakı ilə keçirilən yürüşün əsas məqsədi yeniyetmə və gənclərin yol təhlükəsizliyi qaydaları uğrunda səylərinin gücləndirilməsini, yol mədəniyyətinin inkişaf etdirilməsində onların rollarının artırılmasıdır.

Yürüşdə gənclər tərəfindən maarifləndirici materiallar paylanılıb, ictimai iaşə obyektlərinin qarşısında müxtəlif yaş təbəqəsindən ibarət olan insanlarla profilaktik söhbətlər aparılıb.

Sözügedən layihə çərçivəsində gənclərin yol təhlükəsizliyi sahəsində təşəbbüs klublarının yaradılıb, yerlərdəki könüllü qruplar vasitəsilə görüşlər, yol kənarlarında maarifləndirici aksiyalar təşkil edilib.

Qeyd edək ki, yol təhlükəsizliyi sahəsində belə bir layihənin yüksək səviyyədə keçirilməsi ölkəmizin BMT tərəfindən cari ildə qeyd olunan qlobal yol təhlükəsizliyi tədbirlərinə dəstək verməsi üçün də yaxşı nümunə ola biləcək.