Gediş haqqını ödəməyə pulu çatmadığı üçün avtobusdan düşürdülən tələbə qız donaraq ölüb.
Xeberle.com-un xarici mətbuata istinadən məlumatına görə, hadisə Ukraynada baş verib. Belə ki, universitetlərdən birində tibbi təhsil alan İrina adlı tələbə qız
xəstə olan anasını ziyarət etmək istəyib. O, gedəcəyi ünvana getmək üçün avtobuslardan birinə minib. Sonradan məlum olub ki, mənzilbaşına getmək üçün onun 25 qrivnası (1,53 manat) olmayıb.
Daha sonra avtobusun sürücüsü Oleq Zelinskiy İrinanı -20 dərəcə şaxtada zorla avtobusdan endirib.
İrina meşəlik ərazidə qısa yol ilə anasının yanına getmək istəsə də, yolda azıb. Qızlarından xəbər ala bilməyən ailə axtarışlara başlayıb. Gənc qızın cəsədi atası tərəfindən tapılıb.
Faktla bağlı araşdırma aparılır.
Xəbərdən istifadə edərkən istinad etmək vacibdir.
