Alıcılardan biri Xeberle.com-a Sumqayıt şəhər bazarının yaxınlığında yerləşən "BazarStore” tərəfindən aldadıldığını iddia edir. Müştəri başına gələnləri belə nəql edir:
"15.10.2019 tarixində 09:55 radələrində bazarlıq edərkən "BazarStore” da vitrində endirimli məhsullar arasında olan Sarelle kakaolu findıq əzməsinin qiyməti 6.94 deyil, 4.16 manat qeyd edildiyini gördüm. Və bir ədəd həmin əzmədən almaq istədim. Kassada ödəniş edərkən isə məndən əvvəki qiymət çıxıldı. Marketə şikayətimi bildirdim. Oradn mənə bu endirimin yalnız kartı olan müştərilərə aid olduğu və vitrində də qeyd olunduğu deyildi.
Bəli, diqqətlə baxdıqda aşağıda kart şəklini görmək olur, lakin bu çox diqqət çəkməyən şəkildə- solğun yazılarla qeyd olunub. Üstəlikdə bunu anlamayan müştəriyə kassada kartının olub-olmadığı soruşularkən, qiymət barədə xəbərdarlıq edilə bilərdi. Görünür ki, məqsəd alıcının cibinə girməkdir və bu səbəbdən də bazarlığını edib, çekdə göstərilən qiymətlərə diqqət etməyən müştəri bu halda aldana bilər."
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
