"Salam hörmətli redaksiya.

Bir neçə gün idi ki, şəhərimizin əksər yerlərindəki reklam lövhələrində, elektron monitorlarında, eləcə də avtobuslarda quraşdırılmış monitorlarda "Avtobus qiymətinə taksi" 0,30 qəpikdən taksi görünüşlü "Haqsız reklam" yayımlanmaqda idi. Nəzərinizə çatdırıram ki, AR Reklam Haqqında qanunun 36 və 37-ci maddələri Reklam sahəsində Özünütənzimləmədir ki, bu qanunun normalarına görə istənilən fiziki və hüquqi şəxs reklam sahəsində rastlaşdığı qanun pozuntularının aradan qaldırılması barədə bu sahəyə nəzarətedici orqan qarşısında məsələ qaldıra bilər. Şəhərimizin əksər sakinləri kimi mən də avtobuslardan istifadə etdiyim üçün "Avtobus qiymətinə taksi" başlıqlı "0,30 AZN taksi sifariş et" reklamı avtobusları və ondan istifadə edənləri aşağılayıcı kimi görsəndiyi üçün və AR Reklam Haqqında Qanunun 6-cı maddəsinə əsasən

6.1. Reklam aşağıdakı hallarda haqsız hesab edilir:

6.1.1. reklam olunan əmtəə ilə eyni funksiyaları yerinə yetirən yaxud yetirə bilən, başqa istehsalçıların yaxud satıcıların əmtəəsinin keyfiyyət və (və ya) kəmiyyət göstəriciləri arasında digər bazar iştirakçılarının adını çəkməklə və (və ya) əmtəəni göstərməklə müqayisə aparıldıqda;

Qanun pozuntusu barədə ADRA-ya müraciət etdim və 2 gün keçmədi ki, ADRA-nın operativ reaksiyası nəticəsində şəhərimizin əksər yerlərindəki bu qanun pozuntusu aradan qaldırıldı. Küçə monitorlarından və avtobuslardakı monitorlardan bu reklam çarxı yığışdırıldı, reklam lövhələrində isə ağartma aparılmaqla bu hissə pozuldu. Bu səbəbdən Dövlət Reklam Agentliyinin İdarə Heyətinin sədri Aydın İbadova dərin təşəkkürümü bildirirəm.”