"Media və təbliğat sahəsində Azərbaycanın güclü və professional media universitetini yaratmağı təklif edirəm”.
Xeberle.com "sherg.az” -a istinadən xəbər verir ki, bu təkliflə yeni media və rəqəmsal cəmiyyət üzrə beynəlxalq mütəxəssis, təlimçi Emin Hüseynzadə çıxış edib.
Mütəxəssis universiteti sıfırdan yaratmağı öz üzərinə götürməyə hazır olduğunu söyləyib:
"Bu
sahədəki yarımçıq işlərlə dəyişikliyə nail olmaq mümkün deyil.
Məqsədimiz həm də xarici media və cəmiyyətlərə çıxışdırsa, bunu yeni
yanaşma ilə həll etmək lazımdır. Universitet 2 ixtisas üzrə mütəxəssis
hazırlayacaq. Birincisi, dünyanın istənilən mediasında işləyə biləcək
multimedia jurnalistləri, ikincisi isə yerli və beynəlxalq aləm üçün
ixtisaslaşmış PR mütəxəssisləri hazırlayacaq. Bu edilməsə, daha 20 il
keçəcək və erməni təbliğat maşınına uduzacağıq. Universitet üçün tam
azadlıq verilməlidir. Düşünürəm ki, 5 ilə öz xərclərini ödəyə biləcək
qurum formalaşdıra bilərəm. Universitet yalnız yerli tələbələrə təqaüd
verməyəcək, Şimali Qafqazdan, Mərkəzi Asiya və Şərqi Avropadan olan
seçmə tələbələr də yüksək təqaüd alacaqlar. Onlar həmişəlik Azərbaycan
dostu və diaspor dəstəkçisi, özümüzə məxsus görünməz şəbəkəmizin
hissələri olacaq”.
E.Hüseynzadənin sözlərinə görə, nəzərdə tutulan universitet bütün beynəlxalq təşkilat və əməkdaşlıqlara açıq olmalıdır:
"Tədris
hazırkı Təhsil Nazirliyinin kurikulumlarına əsaslanmayacaq. Yalnız
beynəlxalq təcrübəyə malik jurnalist və müəllimlər işə dəvət olunacaq.
Mən bu işi görməyə hazıram. Ölkəmiz üçün çətin dövrdür. Mətbuat günü
"mən nə edə bilərəm?” sualını özümə verdikdə illərlə düşündüyüm bu
layihədən başqa heç nə yadıma düşmür”.
Xəbərdən istifadə edərkən istinad etmək vacibdir.
