Bu gün "Xeberle.com" informasiya portalının təşəbbüsü və Sumqayıt Regional Mədəniyyət İdarəsinin Sumqayıt Dövlət Rəsm Qalereyasının təşkilatçılığı ilə şəhər rəssamlarının əsərlərindən ibarət "BAX!ş" adlı layihə başa çatıb.
Nəsimi adına Dənizkənarı Mədəniyyət və İstirahət Parkında açıq havada qalib rəssamların mükafatlandırma mərasimi keçirilib.
"Xeberle.com” saytının baş redaktoru Ramil Zeynallı çıxış edərək şəhər rəssamlarına belə bir təşəbbüsə dəstək verdikləri və yaxından qatıldıqları üçün minnətdarlığını bildirib. R. Zeynallı qeyd edib ki, layihənin əsas məqsədi problemi cəmiyyətə mədəniyyətin bir forması olan rəsmlər vasitəsilə çatdırmaq və mövcud situasiya ilə bağlı insanlarda fikir formalaşdırmaqdır.
Layihənin tərəfdaşı Sumqayıt Regional Mədəniyyət İdarəsinin Sumqayıt Dövlət Rəsm Qalereyasının direktoru Ellada Həsənova isə layihənin rəssamlar tərəfindən maraqla qarşılandığını və bu kimi təşəbbüslərin davamlı olacağına ümidvar olduğunu vurğulayıb.
Sonra qalib rəssamlar mükafatlandırılblar.
Qeyd edək ki, layihə çərçivəsində keçirilən sərgidə 18 rəssamın əl işindən ibarət əsərlər nümayiş olunub. Sərgiyə təqdim olunan əsərlərdə rəssamlar dini radikalizmin törətdiyi fəsadları təsvir ediblər. .
Layihənin nəticəsi olaraq sosial şəbəkə istifadəçiləri arasında onlayn sorğu keçirilib və ən çox səs toplamış 3 əsər mükafatlandırılıb. Daha 4 rəsm əsərinin müəllifinə isə həvəsləndirici mükafat təqdim olunub.
I-III yerlərə layiq görülmüş rəssamlar haqqında "Xeberle.com" informasiya portalında yazı dərc olunacaq.
Xəbərdən istifadə edərkən istinad etmək vacibdir.
