Xeberle.com-un məlumatına görə, daha bir baş həkim tutduğu postla vidalaşmalı olub. Belə ki, Sumqayıt şəhər 3 saylı poliklinikanın baş həkimi Arzu Məhərrəmova işdən azad olunub. A. Məhərrəmovanın öz ərizəsiylə baş həkim postunu tərk etdiyi bildirilir.

Xəbəri poliklinikadan Xeberle.com-a təsdiqləyiblər. Baş həkim vəzifəsinə hələlik təyinat olmadığından, bu vəzifənin müvəqqəti icrası baş həkimin müavini Telman Əsgərova həvalə olunub.

Xatırladaq ki, A. Məhərrəmova bu ilin martında 3 saylı poliklinikanın baş həkimi vəzifəsinə təyin olunmuşdu.

Xədicə Səxavətqızı

Xeberle.com