Xeberle.com-un məlumatına görə, mərasimdə şəhidin yaxınları qəsəbə ictimaiyyəti, hərbçilər iştirak ediblər. Tədbirdə Vətən Müharibəsində Azərbaycan Ordusunun göstərdiyi qəhrəmanlıqdan bəhs olunub. Qeyd olunub ki, 19 yaşlı əsgər Cəbrayıl Dövlətzadə Sumqayıtda doğulub. Sentyabrın 28-də əks-hücum əməliyyatında 11 zabitlə birlikdə komanda məntəqəsi uğrunda döyüşdə xüsusi şücaət göstərib. Zabit yoldaşlarına "Siz gəlməyin, yolunuzu gözləyəniniz var. Subayam, mən gedəcəyəm” deyərək irəli atılıb, düşmənlə əlbəyaxa döyüşə girərək erməni generalını və polkovnikini boğaraq öldürüb, özü isə qəhrəmanlıqla şəhidlik zirvəsinə ucalıb.

Cəbrayıl Dövlətzadə İkinci Fəxri Xiyabanda general Polad Həşimovun yanında dəfn olunub.