CELT Colleges-in öyrətdiklərinin tətbiqi ilə bağlı uğurlu təhsil siyasəti və təcrübəsi danılmazdır. 2001-ci ildən etibarən müxtəlif metodologiyalardan istifadə edərək xarici dil öyrətmək üzrə yüksək keyfiyyət nümayiş etdirən CELT Colleges bu il də bir ilkə imza ataraq "Ağıllı ev quraq” layihəsi ilə xidmətinizdədir.

Layihənin məqsədi kiçik yaşlı uşaqlarda vacib həyati praktik bacarıqlar formalaşdırmaqdır. Bu bacarıqlardan uşaqlar gələcək həyatlarında rastlaşdıqları çətinliklərin həlli istiqamətində istifadə edəcəklər. CELT Collegesin "Ağıllı ev quraq” layihəsi STEAM-ın fəlsəfəsini uşaqlara aşılayacaqdır. Layihə qısa zamanda göstərəcəkdir ki, STEAM təkcə proqramlaşmadan və robototexnikadan ibarət deyildir. STEAM əsasında qurulan "Ağıllı ev quraq” layihəsi həm də müxtəlif elmləri bir-birilə inteqrativ şəkildə işlətmək, ətrafında baş verən sadə hadisələri müşahidə etmək, kəşf etmək, yaratmaq, yaratdıqlarını gözəl etməklə bərabər, həm də faydalı etmək, canlılara qayğı və sevgi ilə yanaşmaq, müxtəlif peşələrlə tanış olmaq və onları dəyərləndirməklə özünə doğru peşə seçmək, lap kiçik yaşlardan məqsədlər və hədəflər qoymaq və onlara doğru iddialı addımlamaq, texnologiyanın təkcə hazır məhsul vermədiyini anlamaq və texnologiyanın özünün necə hazırlandığını anladacaq qədər dərin bir fəlsəfədir. Bu layihə həm də uşaqlarda fizika, kimya, biologiya kimi maraqlı ,lakin öyrənilməsi çətin olan elmlərin qavranması ilə bağlı ilkin təsəvvürlər yaradacaqdır. Bir illik müddəti əhatə edən "Ağıllı ev quraq” layihəsinin həyata keçirilməsi zamanı PBL və IBL əsaslı öyrənmə metodologiyasından istifadə edilərək uşaqlarda həmçinin araşdırma aparmaq və kiçik layihələr hazırlamaq bacarığı formalaşdıracaqdır.

Göründüyü kimi, "Ağıllı ev quraq” layihəsi uşaqlarda saysız-hesabsız bacarıqlar formalaşdırmaqla bərabər , həm də dünyagörüşünü inkişaf etdirəcəkdir. Qeyd edək ki, layihənin tərkibinə həm də uşaqların zehnini inkişaf etdirəcək mental arifmetika dərsləri də daxildir.

Microbit və 3 D printerlə ilkin işləmə bacarığı layihənin sonlarına yaxın müddətdə formalaşacaqdır. Bu prosesin çox qısa müddəti əhatə etməsi planlaşdırılır. Məqsəd uşaqlarda elektrik cihazlardan az və səmərəli istifadə etmək bacarığını formalaşdırmaqdır. Telefon və kompüter şirkətlərinin əsasını qoyan mütəxəssislər, bu sahədə sözünü demiş alimlər öz övladlarının kompüterdən, telefonlardan və müxtəlif qacetlərdən uzaq təhsil almasını tərcih edirlər. Onlar elektron lövhələr əvəzinə təbaşirli lövhələrdən istifadə edir, hazır məhsul əvəzinə özləri hazırladıqları məhsullardan istifadə edirlər.

"Ağıllı ev quraq” layihəsi sizin övladınızı ağıllı, bacarıqlı və işıqlı gələcəyə aparan yoldur.