Sumqayıtda ölüm təhlükəsi saçan yol diqqət mərkəzinə düşüb.
Xeberle.com xəbər verir ki, söhbət Sumqayıt Kimya Sənaye Parkının yaxınlığından keçən avtomobil yolundan gedir. Bu yoldan istifadə edən vətəndaşlar deyir ki, Parkın ərazisində İqtisadi Zonaların İnkişaf Agentliyinin Peşə Təhsil Mərkəzi də yerləşməkdədir: "Yüzlərlə tələbə qəbul edən mərkəz, eyni zamanda Sənaye Parkında çalışan maşını olmayan insanlar üçün çox çətin bir vəziyyət yaşanır. Çox təhlükəli olan yolda hər həftə bir qəza olur ki, köşkdə işləyən gənc yolu keçərkən sürətli maşının hədəfi olub".
Azərbaycan Avtomobil Yolları Dövlət Agentliyinin (AAYDA) İctimaiyyətlə Əlaqələr şöbəsinin rəisi Anar Nəcəfli Xeberle.com-a açıqlamasında bildirib ki, Hacı Zeynalabdin qəsəbəsivə Sumqayıt yolunun genişləndirilməsi işi icra olunur. İşlər yekunlaşandan sonra, zəruri olan yerlərdə piyada zolaqlarının, nişanlama xətlərinin çəkilişi, piyada səkilərinin qurulması və yolun 3.8- ci kilometrində yerüstü piyada keçidi inşa olunacaq. Bunların hamısı tam müasir görkəmdə vətəndaşların istifadəsinə veriləcək. Həmçinin, yaşayış ərazisindən keçən hissələrdə işıqlandırma sistemləri qurulub.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
