Sumqayıtda baş verən yol-nəqliyyat hadisəsi səbəbilə 04.01.2025-ci il tarixində saat 06:00 radələrindən başlayaraq Sumqayıt Tibb Mərkəzinin Təcili Tibbi Yardım Xəstəxanasına 3 nəfər (kişi cinsli) hospitalizasiya olunub.
Sumqayıt Tibb Mərkəzindən Xeberle.com-a verilən məlumata görə, başın toxumasının əziyi diaqnozu təyin edilən 1961-ci il təvəllüdlü və sol baldırın əziyi diaqnozu təyin edilən 1982-ci il təvəllüdlü şəxslərə Təcili yardım şöbəsində zəruri tibbi yardımlar göstərilib və ambulator müalicə üçün evə buraxılıblar.
Sol baldır sümüklərinin qapali yerdəyişən sınığı diaqnozu təyin edilən 1980-ci il təvəllüdlü şəxsin müalicəsi isə Travmatologiya şöbəsində davam etdirilir, vəziyyəti orta ağırdır.
XXX
09:00
Sumqayıtda 5 nəqliyyat vasitəsinin iştirakı ilə ağır yol-nəqliyyat hadisəsi baş verib.
Xeberle.com məlumat verir ki, səhər saat 07:00 radələrində "BMW" markali avtomobil qırmızı işıqda sürətlə keçərək sərnişin marşrutuna və digər avtomobillərə çırpılıb. Nəticədə sərnişin marşrutu aşıb.
Xeyli sayda yaralı olduğu bildirilir. Yaralılar təcili yardım maşınları ilə xəstəxanaya aparılıb.
Xəbərdən istifadə edərkən istinad etmək vacibdir.
