Söküntüsü davam edən "Saray körpüsü”ndə bədbəxt hadisə baş verib.
Ərazidə gecə növbətçisi kimi çalışan İsa Namazov yaralanıb. Məlumata görə, 21 yaşlı gəncin ayağı altında qəfil torpaq sürüşməsi olub və o, 3-4 metr yüksəklikdən yıxılıb.
Redaksiyamızın əməkdaşı onun səhhətini öyrənmək üçün TƏBİB-ə sorğu ünvanlayıb. Sorğuya cavab olaraq bildirilib ki, 14.01.2025-ci il tarixində saat 20:00 radələrində 2004-cü il təvəllüdlü şəxs (kişi cinsli) Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub:
"Döş qəfəsinin sağ yarısının və sol bud çanağın əzilməsi diaqnozları təyin edilən şəxsə Təcili yardım şöbəsində zəruri tibbi yardımlar göstərilib və daha sonra ambulator müalicə üçün evə buraxılıb”.
Xəbərdən istifadə edərkən istinad etmək vacibdir.
