Azərbaycanlı təyyarədə özünü öldürmək istədi. Hadisə Moskva-Sankt Peterburq reysində qeydə alınıb. 
Məlumata görə, may ayının 25-də saat 23.00-də bir kişi Pulkova hava limanında təyyarənin tualetinə girərək qapını bağlayıb. Kişi "mən daha belə yaşamaq istəmirəm", deyərək damarlarını doğrayıb. 
Stüardessa dərhal fövqəladə hallar xidməti əməkdaşlarına məlumat verib. Xilasedicilər qapını açaraq yaşlı kişini təcili yardıma təhvil veriblər. 
Hüquq mühafizə orqanları da 62 yaşlı Azərbaycan vətəndaşının intihara cəhd etdiyini təsdiqləyib. 
Lakin onun əməlinin dəqiq səbəbləri haqqında məlumat verilməyib. 
Məlumata görə, uçuş zamanı sərnişinlər arasında heç bir insident olmayıb.  (anspress.com)