Son vaxtlar Sumqayıtda sahibsiz itlər həddən artıq çoxalıb. Sürü halında mikrorayonlarda, binaların həyətində, parklarda, küçələrdə, ictimai yerlərdə itlərin əlindən nəinki, məktəblilər, hətta böyüklər də çəkinir.
Xeberle.com-a müraciət edən şəhərin 6-cı mikrorayon sakinləri 27 nömrəli məktəbin həyətində davamlı olaraq 7-8 ədəd it sürüsü məktəblilərə və valideynlərə hücum edir. Nəticədə məktəbə gedən şagirdlər itlərin kütləvi hücumuna məruz qalırlar.
Şikayətçi valideynlər qeyd ediblər ki, artıq nə özləri, nə də övladları məktəbə rahat şəkildə üz tuta bilmir və hər an təhlükədə olduqlarını anlayırlar.
Ümid edirik ki, aidiyyəti qurumlar tezliklə sahibsiz itlərlə bağlı tədbir görəcək, şagirdlərin və valideynlərin məktəbə gəlişinu təmin edəcəklər.
Qeyd edək ki, aprelin 10-da Sumqayıt şəhərində bağçadan çıxan uşaqlar itlərin hücumuna məruz qalıblar. Nəticədə uşaq xəstəxanasına yerləşdirilən 5 nəfərin hər birinə zəruri tibbi yardımlar göstərilib. Müvafiq peyvənd vurulan, vəziyyəti qənaətbəxş olan 4 nəfər ambulator müalicə üçün evə buraxılıb. Məlumata görə, başın dişlənmiş-didilmiş yarası diaqnozu təyin edilən 1 nəfərin müalicəsi isə Uşaq Xəstəxanasının Cərrahiyyə şöbəsində davam etdirilib.
Xeberle.com
Xəbərdən istifadə edərkən istinad etmək vacibdir.
