Sumqayıtda yanğın hadisəsi baş verib. Belə ki, axşam saatlarında mərhum prezident Heydər Əliyevin Bayraq meydanında olan plakatı od tutub alışmağa başlayıb. Yanğın nəticəsində plakat yararsız hala düşüb. Yanğısöndürənlərin dərhal müdaxiləsi nəticəsində yanğın söndürülüb və digər ərazilərə keçməsinin qarşısı alınıb. Sumqayıt şəhər Mənzil Kommunal Təsərrüfat İstehsalat Birliyinin rəisi Abid Əliyev Xeberle.com-a bildirib ki, plakatın hası səbəblərdən alışması məlum deyil və hadisə ilə bağlı araşdırma aparılır. Əraziyə Sumqayıt şəhər İcra hakimiyyətinin başçısı Eldar Əzizov, Sumqayıt şəhər Polis İdarəsinin rəisi Sahib Mirzəyev və digər məsul şəxslər gəlib. Yanğın baş verən əraziyə heç kim buraxılmır. Yanmış plakat sökülüb.
Ehtimal olunur ki, plakatın yerləşdiyi lövhənin ətrafına vurulan üzlük penoplast materialdan olub.