Bir neçə gün əvvəl Yasamal Rayon Polis İdarəsinin 29-cu Polis Bölməsi əməkdaşları tərəfindən rayon ərazisində yerləşən "Milli Ön” terminalından oğurluq etdikləri üçün saxlanılan Amid Əliyev, Nihad Bağıyev və Elmar Məmmədovun başqa cinayət əməlləri də ortaya çıxıb.

Saxlanılan şəxslərin ətrafında aparılmış əməliyyat tədbirləri ilə onların Qaradağ rayonu ərazisində Babalar Süleymanova məxsus mağazada və Qobustan qəsəbəsində quraşdırılmış "Milli Ön” ödəmə terminallarından ümumilikdə 3590 manat oğurlamaları müəyyən edilib. 

Saxlanılan şəxslər ifadələri zamanı Bakı və Sumqayıt şəhərlərinin müxtəlif nöqtələrində quraşdırılan 20-yə yaxın "Milli Ön” terminalını sındıraraq, orada olan kassanı ələ keçirdiklərini etiraf ediblər.

Qeyd edək ki, dəstə üzvləri barəsində Yasamal Rayon Polis İdarəsində cinayət işi başlanılıb, onların ətrafında əməliyyat-istintaq tədbirləri davam etdirilir.(apa.az)