Rumıniya hüquq-mühafizə orqanları əməkdaşları 333 kiloqram həcmində rekord heroin partiyasını müsadirə edib.
Bu barədə "TASS" agentliyi Rumıniya polisinin Mütəşəkkil Cinayəti və Terrorizmin Araşdırılması İdarəsinə (DIICOT) istinadən xəbər verir.
"Bu, 1990-cı ildən sonra müsadirə olunan ən böyük həcmli heroindir", - deyə İdarənin baş prokuroru Konstantin Horodniçanu bildirib. Onun sözlərinə görə, müsadirə olunan məhsulun dəyəri təxmin 40 milyon avrodur.
Rumıniya polisinin Mütəşəkkil Cinayətlı mübarizə üzrə direktoru, baş komissar Klaudi Kukun sözlərinə görə, narkotiklər Azərbaycandan Rumıniyaya gətirilir. Daha sonra heroin Ermənistan, Gürcüstan və Ukraynaya göndərilir.
Heroin çərşənbə axşamı Ruminiyanın şimalında yerləşən Satu-Mare və Bistriçedə, polis tərəfindən saxlanılan yük maşınlarının yanacaq çənində gizlədilib. Yük maşınları Macarıstanla sərhəddə saxlanılıb. İtlərin onların aşkarlamaması üçün ağ tozla dolu yüzlərlə paket istiotlarla qarışdırılıb.
Narkotiklərin daşınmasını rumın-türk cinayətkar qrupu tərəfindən həyata keçirilib. Qrup 2011-ci ildən polisin nəzarətində olub. Polis iki Rıminiya və iki Türkiyə vətəndaşını saxlayıb, daha 7 nəfər dindirilir.
Azərbaycanın Dövlət Gömrük Komitəsi (DGK) Rumıniyanın hüquq-mühafizə orqanlarının Azərbaycandan keçdiyi deyilən 333 kiloqram heroinin müsadirə olunması haqda yayılan xəbərlərə aydınlıq gətirib.
DGK-nin mətbuat xidmətindən virtualaz.org saytının sorğusuna cavab olaraq bildirilib ki, Azərbaycan tərəfi qanunsuz narkotik qaçaqmalçılığının qarşısını həmişə alıb.
"Rumıniyaya Azərbaycandan keçməklə getdiyi deyilən 333 kiloqram heroinə gəlincə isə bildiririk ki, kütləvi informasiya vasitələri bu xəbərdə Azərbaycanın adını yanlışlıq ucbatından hallandırıblar. Rumıniyanın Mütəşəkkil Cinayətkarlıqla və Terrorizmlə Mübarizə İdarəsinin rəsmi saytında (http://www.diicot.ro/index.php/arhiva/1533-comunicat-de-presa-29-07-2015) yerləşdirilmiş məlumatda Azərbaycan haqda heç bir söz yoxdur” - deyə DGK-dan bildirdilər. (azvision.az)
Xəbərdən istifadə edərkən istinad etmək vacibdir.
