Şeremetyova aeroportunda Azərbaycan vətəndaşı saxlanılıb. Axar.az Rusiya mediasına istinadla xəbər verir ki, həbs edilən şəxsin üzərində 1 milyon 701 min 300 dollar olub. Saxlanılan şəxs Dubay reysi ilə Moskvaya gəlib.   O, gömrük deklarasiyasında üzərində pulun 1.001.300 olduğunu göstərsə də, sonradan üzərindən 700 min dollar artıq pul çıxıb.   Hələlik saxlanılan şəxsin adı açıqlanmır. Ona qarşı Rusiya Cinayət Məcəlləsinin 200.1-ci maddəsi (Nəğd pul vasitələrinin kontrabandası) üzrə cinayət işi açılıb.