Xəbər verdiyimiz kimi ötən gün Bakı-Sumqayıt sürət qatarının hərəkətində problem yaranıb. Bakıdan saat 19:00 radələrində reysə düşən qatar bir neçə dəqiqə yol qət etdikdən sonra dayanıb. Sərnişinlər yarım saatdan çox qatarda gözləməli olublar.

"Azərbaycan Dəmir Yolları” QSC-nin mətbuat xidmətinin rəhbəri Nadir Əzməmmədov  açıqlamasında bildirib ki, ötən gün saat 19:00-da yola düşən Bakı-Sumqayıt qatarı Keşlə-Biləcəri məntəqəsində dəmiryolu xətti üzərində sərxoş kişini vurub. 

Qurum rəsmisi qeyd edib ki, həmin şəxs yaralanıb və xəstəxanaya çatdırılıb. 

N.Əziməmmədov son zamanlar Bakı-Sumqayıt qatarının yolunda mane törədən şəxslərin çoxaldığını deyib: "Biz KİV-lər vasitəsilə hər zaman təbliğat aparırıq ki, bu sürət qatarıdır və onun yoluna çıxmaq olmaz. Amma bəzi şəxslər buna əməl etmirlər”.
Azvision.az