Sumqayıtın Hacı Zeynalabdin qəsəbəsində beşmərtəbəli yaşayış binasının 1-ci mərtəbəsində yerləşən mənzildə baş vermiş yanğın nəticəsində tüstüdən zəhərlənənlərin adları məlum olub.

 Onların hamısı eyni ailənin üzvləridir və yanğın baş verən binanın ikinci mərtəbəsində yaşayırlar.

 Yanğın nəticəsində 1958-ci il təvəllüdlü Hüseynağa Şirəliyev, 1963-cü il təvəllüdlü Tünzalə Şirəliyeva və 1985-ci il təvəllüdlü İradə Şirəliyeva tüstüdən zəhərləniblər. Onların mənzildən çıxaraq, binanı tərk etmək istəsələr də, dəhlizdə zəhərləniblər. Zərərçəkənlərdən 30 yaşlı İradə Şirəliyevanın vəziyyəti daha ağırdır və Sumqayıt şəhər Təcili Tibbi Yardım Xəstəxanasının reanimasiya şöbəsinə yerləşdirilib.(apa)