Bakıda əsgər ailəsinin bayramı yasa dönüb. Hərbi xidmətdə olan övladının yolunu gözləyən ailə onun cənəzasini qarşılamalı olub. Beyləqanda yerləşən ''N'' saylı hərbi hissədə xidmət edən 19 yaşlı Elbrus Nəcəfov müəmmalı şəkildə ölüb. Ailə üzvlərinə onun intihar etməsi barədə məlumat verilsə də, valideynlər buna inanmır.
Mərhum əsgərin yaxınları Criminal.az-a bildirib ki, hadisən bir saat əvvəl E.Nəcəfovla telefon danışıqları olub. O, sabah məzuniyyətə gələcəyini deyib. Ona görə də, onun özünü asması inandırıcı görünmür.
Mərhumun ailə üzvləri E.Nəcəfovun öldürülərək izi itimək məqsədilə asıldığını iddia edirlər. E.Nəcəfov idmançı idi. İdmanın kapoeyra növü ilə məşğul olurdu. Ölkə çempionu olub, dünya çempionatının iştirakçısı idi.
Qeyri-iş günü olduğundan əsgərin ölümü ilə bağlı Müdafiə Nazirliyinin mövqeyini öyrənmək mümkün olmadı.
Criminal.az
Xəbərdən istifadə edərkən istinad etmək vacibdir.
