Son bir sutka ərzində Azərbaycanda baş vermiş yol qəzalarında 5 nəfər ölüb.
Lent.az-ın məlumatına görə, iyulun 7-də ölkə yollarında ümumilikdə 12 yol-nəqliyyat hadisəsi baş verib. Nəticədə həyatını itirən şəxslərdən başqa daha 16 nəfər də yaralanıb.
Gün ərzində ən ağır qəza Ağcabədidə baş verib. Burada "VAZ" markalı minik avtomobilinin qəzaya uğraması nəticəsində 2 nəfər ölüb, daha 1 nəfər isə yaralanıb.
Ölümlə nəticələnən digər qəzalar Zaqatala, Cəlilabad və Bakının Xətai rayonunda qeydə alınıb.
Hər bir faktla bağlı araşdırma aparılır.
Xəbərdən istifadə edərkən istinad etmək vacibdir.
