Almaniyanın Leypsiq şəhərinin hava limanında dünyanın ən böyük təyyarəsi olan An-225 "Mriya" təyyarəsinin mühərriklərindən biri yanıb.
"sachsen-fernsehen.de" saytının verdiyi məlumata görə, yanğının söndürülməsinə doqquz yağınsöndürmə heyəti cəlb olunub. Yanğının qarşısı 15 dəqiqə ərzində alınıb.
Məlumatda bildirilir ki, təyyarə Çiliyə uçmağa hazırlaşırmış.
1988-ci ildə SSRİ-də istehsalına başlanan reaktiv yük təyyarəsi olan An-225 "Mriya" dünyada ən böyük təyyarə hesab olunur.

Xəbərdən istifadə edərkən istinad etmək vacibdir.